Pen Drive இற்குள்ளேயே Office Package!!

Office Package என்பது கட்டாயம் ஒரு கணினியில் நிறுவப்பட்டிருக்கும் போதே பல வேலைகளை எம்மால் விரைவாகவும் இலகுவாகவும் செய்து கொள்ள முடியும். இவ்வாறான Office Package களை அனைத்து கணினிகளிலும் நிறுவி வைக்கப்பட்டிருக்குமென நாம் எதிர்பார்க்க முடியாது. நாம் தற்காலிகமாகப் பயன்படுத்தும் கணினியில் Office Package ஆனது, install ஆக்கப்படாமல் காணப்பட்டால் என்ன செய்வது…?? இதற்கு ஏதாவது மாற்று வழியுண்டா..?? ஆம். ஒரு மிக இலகுவான வழி இருக்கிறது.

எமது Pen Drive இல், Office Package ஐ நிறுவிக் கொண்டால் நாம் போகும் இடங்களிலெல்லாம் பயன்படுத்தும் கணினியில் Office Package இல் அடங்கும் மென்பொருள்களைச் செயற்படுத்தி எமக்குத் தேவையான காரியங்களைச் செய்து கொள்ள முடியும்.

எப்படி Pen Drive இற்குள், Office Package ஐ Install செய்து கொள்வது??? நல்ல கேள்வி.. இதோ அதற்கான தீர்வு. Pen Drive இற்குள் Install செய்யக்கூடிய வகையான office package ஐ ஒரு இணையச் சேவை நிறுவனம் வழங்குகின்றது. Tiny USB office என்ற பெயர் கொண்டு இனங்காணப்படும் இச்சிறிய கொள்ளவுடைய Office Package பல மென்பொருள்களைத் தன்னகம் கொண்டுள்ளது.

இந்த Office Package தன்னகம் கொண்டுள்ள மென்பொருள்கள்

• Database Creation – with CSVed
• Data Encryption – with DScrypt
• Email Client Software – with NPopUK
• File Compression – with 100 Zipper
• File Sharing – with HFS
• File Transfer – with FTP Wanderer
• Flowchart Creation – with EVE Vector Editor
• MSN Messenger Client – with PixaMSN
• Tree-Style Outliner Software – with Mempad
• PDF Creation – with PDF Producer
• Password Recovery – with XPass
• Secure Deletion – with DSdel
• Spreadsheet Creation – with Spread32
• Text Editing – with TedNotepad
• Word Processing – with Kpad
• Program Launching – with Qsel

இதோ உங்கள் Pen Drive ஐயும் இம்மென்பொருள்களைக் கொண்டு பலப்படுத்திக் கொள்ளுங்கள்.

Tiny USB office இனை பதிவிறக்கம் செய்யக்கூடிய தளம் – [இங்கே கிளிக் செய்யுங்கள்]

உங்கள் கருத்துக்களையும் சொல்லுங்கள்..

- உதய தாரகை

இரவில் சத்தம் போடாத கணினி வேண்டுமா?

கணினியில் காணப்படும் ஒலிபெருக்கிகளை off செய்து வைத்தால் அதிலிருந்து வரும் சத்தங்கள் எமக்கு ஒருபோதும் கேட்காது. இதனை நாம் கைமுறையாக (manually) ஒலிபெருக்கியை off செய்து கொள்ளலாம். இந்த வேலையை தன்னியக்கமாகவே செய்யக் கூடிய ஏதாவது நிலை இருந்தால் எப்படியிருக்கும். நன்றாகத்தான் இருக்கும் தானே..

அதற்கும் ஒரு மென்பொருள் உள்ளது. இதனைப் பயன்படுத்தி எமது கணினியில் காணப்படும் Sound ஐ mute செய்து கொள்ள முடியும். இவ்வாறு Mute செய்தால் கணினியிலிருந்து சத்தமே வராது. இந்த விடயம் நடக்க வேண்டிய நேரத்தை குறித்த மென்பொருளில் வழங்கினால் மிகச் சிறப்பாக அந்த நேரத்தில் mute நிலைக்கு கணினியைத் தன்னியக்கமாகவே அம்மென்பொருள் கொண்டுவரும்.

மென்பொருள் பற்றிய விபரங்களும் பதிவிறக்கம் (DOWNLOAD) செய்வதற்கான இணைப்பையும் இங்கே கிளிக் செய்வதன் மூலம் பெற்றுக் கொள்ள முடியும்.

- உதய தாரகை

Windows XP இல் மறைந்துள்ள மென்கருவிகள்

Windows XP இல் பல மென்கருவிகளும், செயற்பாட்டு ஆயுதங்கள் பலவும் மறைந்து காணப்படுகின்றன. இவை முந்திய Windows பதிப்புகளில் காணப்பட்ட மென்கருவிகளாகும். ஆனாலும், மென்பொருள் உருவாக்குபவர்களால் அவை கவனிக்கப்படாமலே போய்விட்டன.

இதோ மறைந்துள்ள விடயங்கள் உங்களுக்காக நிரற்படுத்தி அம்பலமாக்குகிறேன். இவை யாவற்றையும் Windows XP இல், மிக வேகமாக உயிர்ப்பாக்கி கொள்ள முடியும். கீழே தடித்த எழுத்தில் காணப்படும் சொற்களை Start >> Run ஊடாகச் சென்று, அதன் போது, தோன்றும் Dialog box இல் Type செய்து, OK செய்தால் போதும். மறந்து போய் மறைந்துள்ள மென்கருவிகள் உயிர்ப்புக் கொள்ளும்.

perfmon - உங்கள் கணினியின் தொழி்ற்பாடுகள், வினைத்திறன் என்பன அனைத்தும் பற்றி மிகத் தெளிவான அறிக்கையை வழங்கும் மென்கருவி

rasphone – remote access phonebook, used to manage dial-up networking

telnet - ancient PC to PC remote command and communications system

winchat – communications tool for exchanging messages over a network

விரைந்து உங்கள் கணினியை இயக்கி மறைந்த மென்கருவிகளை உயிர்ப்பித்துப் பாருங்கள். அதிசயமாயிருக்கும்.

- உதய தாரகை

Firefox 3 Beta 5 ஐ இப்போது Download செய்யலாம்

Mozilla Firefox தனது மிகப் பிந்திய Firefox 3 இனை Download செய்து கொள்ளும் வாய்ப்பை வழங்கியுள்ளது. இந்தப் புதிய பதிப்பில் முந்திய Beta பதிப்பிலிருந்து  750 முன்னேற்றகரமான மாற்றங்கள் காணப்படுகின்றன. இந்தப் பதிப்பினைப் பயன்படுத்தி Gmail, Zoho போன்ற மிக வேகமாக Load செய்து பயன்படுத்திக் கொள்ள முடியும்.

புதிய Firefox இன் பதிப்பை பதிவிறக்கம் செய்து, உங்கள் கணினியில் நிறுவிப் பயன்படுத்திப் பாருங்கள். வேகமான இணைய இணைப்பின் அனுபவத்தை உணர்வீர்கள்.

Mozilla Firefox 3 ஆனது, எதிர்வரும் ஜுன் மாதம் பூராண பதிப்பாக வெளியிடப்படவுள்ளது.

பதிவிறக்கம் செய்வதற்கான முகவரி: http://www.mozilla.com/en-US/firefox/all-beta.html

உங்கள் கருத்துக்களையும் பகிர்ந்து கொள்ளுங்களேன்!

- உதய தாரகை

DOCX கோப்பை IE இல் Open செய்தல்

Microsoft நிறுவனத்தின் மிகப் பிந்திய Office Package ஆன, Microsoft Office 2007 இல் அதன் கோப்புகள் யாவும் .docx என்ற நீட்டிப்புடனே சேமிக்கப்படும். இதனை Open செய்து பார்ப்பதற்கு எம்மிடம் Microsoft Office 2007 மென்பொருள் தொகுதி கணினியில் நிறுவப்பட்டிருக்க வேண்டும்.

அவ்வாறு Microsoft Office 2007 நிறுவப்படாமலேயே DOCX கோப்புகளை IE இல் Open செய்து பார்ப்பதற்கான வழியொன்று உள்ளது. அது என்னவென உங்களுடன் பகிர்ந்து கொள்ளப் போகிறேன்.

முதலில் நீங்கள் உங்களிடமுள்ள DOCX File ஐ ZIP File ஆக மாற்றிக் கொள்ள வேண்டும். இதனை குறித்த .docx என்ற extension ஐ .zip என்ற extension ஆக மாற்ற வேண்டும். எடுத்துக்காட்டாக, myfile.docx என்பதை myfil.zip என மாற்ற வேண்டும்.

பின்னர், மாற்றிப் பெறப்பட்ட zip folder ஐ unzip செய்து கொண்டு, குறித்த unzip folder இல், word என்ற folder ஐக் காண்பீர்கள். அதனுள் document.xml என்ற File காணப்படும்.

அதனை, IE (Internet Explorer) மூலம் Open செய்து குறித்த docx file இல் காணப்பட்ட text ஐ அறிந்து கொள்ளலாம். செய்துதான் பாருங்களேன்.

- உதய தாரகை

உங்கள் Pen drive இல் U3 தொல்லையா?

அநேகமாக Pen drive ஐ வாங்கும் போது, அதில் சேமிக்கும் தரவுகளை ஒழுங்கமைவாக கடவுச் சொல்லிட்டு பாதுகாக்க வழிசெய்யும் பொருட்டு குறித்த Pen drive உடனேயே U3 எனப்படும் மென்பொருளும் நிறுவப்பட்ட நிலையில் கிடைக்கிறது.

கணினியோடு Pen drive ஐ இணைக்கும் போது, குறித்த U3 மென்பொருள் இயங்கத் தொடங்கும். கடவுச் சொல் கொடுக்கப்பட்டிருந்தால் கடவுச் சொல்லை வழங்குமாறு பணிக்கும். அத்தோடு, Pen drive உள்ள தரவுகளையும் தெளிவான வகையில் பெற்றுக் கொள்ளவும் வழி செய்யும்.

ஆனாலும், இந்த மென்பொருள் Pen drive ஐ கணினியுடன் இணைக்கும் போதெல்லாம் இயங்கத் தொடங்குவது எரிச்சலைத் தரும் நிகழ்வுதான். ஆக, U3 மென்பொருள் உங்களுக்குத் தொல்லையா? அதனை Pen drive இலிருந்து இலகுவாக delete செய்வதன் மூலம் நீக்கிக் கொள்ள முடியாது.

ஆனாலும் கவலையை விடுங்கள். இதோ இருக்கிறது அதற்குப் பரிகாரம்.

U3 Software ஐ உங்கள் Pen drive இலிருந்து அகற்றும் பணியைச் செய்யும் மென்பொருளை பதிவிறக்கம் செய்து அதனை உங்கள் Pen drive இல் இயங்கச் செய்யுங்கள். அவ்வளவுதான் இனி U3 தொல்லையே இல்லை.

U3 uninstaller – [இங்கே கிளிக் செய்யுங்கள்]

முக்கிய குறிப்பு: நீங்கள் U3 Software ஐ உங்கள் Pen drive இலிருந்து அகற்ற முன், உங்கள் Pen drive இலுள்ள உங்களது Data களை வேறொரு இடத்தி்ல் சேமித்து வைத்துக் கொள்ளுங்கள் (Hard diskஇல்). இல்லாவிட்டால் உங்கள் Pen drive இல் காணப்படும் அனைத்து Data வும் அழிந்துவிடும்.

- உதய தாரகை

பேச்சின் மூலம் சுவையான தேடல்

விசைப்பலகை கொண்டு எல்லாவற்றையும் டைப் செய்து குறித்த விடயங்களை தேடல் பொறிகளின் மூலம் பெற்றுக் கொண்ட காலம் மலையேறப் போகின்றதோ என எண்ணத் தோன்றுகிறது. நாம் பேசுவதை உணர்ந்து அதற்குப் பொருத்தமான தேடல் நிலைகளைக் பட்டியற்படுத்த இணையச் சேவை நிறுவனங்கள் களத்தில் குதித்துள்ளன.

Tazti (பெயரினை Tasty என உச்சரிக்கலாம் – அப்போ சுவையான சமாச்சாரம் அப்படித்தானே. இருக்கோட்டும்.. இருக்கோட்டும்) என்ற நிறுவனம் எமது பேச்சினை உணர்ந்து அதன்படி, தேடல்களை ஆற்றும் மென்பொருளொன்றை உருவாக்கியுள்ளது.

இது அனைத்து இணைய நிலையில் அமைந்த மென்பொருள்களோடும் (Web applications) மிகவும் சிறப்பாக இயங்குகின்றது. நீங்களும் குறித்த தளத்திற்குச் சென்று மென்பொருளை பதிவிறக்கம் செய்துதான் பாருங்களேன்.

பேச்சை உணர்ந்தறிந்து கருமமாற்றும் மென்பொருள் வந்துவிட்டதே என்று keyboard, mouse என்பவற்றை எரிந்துவிடாதீர்கள். அவையில்லாமல் கணினியில் பல வேலைகளைச் செய்யமுடியாமல் போகும் என்பதை நான் சொல்லியா நீங்கள் அறிய வேண்டும்.

- உதய தாரகை

Firefox ஐ வேகமாக்குதல்

Firefox browser பொதுவாகவே வேகமாக இணையத்தளங்களை பதிவிறக்கம் செய்யும் ஆற்றவலுடையது. அதனை மேலும் குறிப்பிடத்தக்களவு வேகமாக இயங்கச் செய்யும் வழியொன்றைக் கண்டறிந்தேன். உங்களோடு பகிர்ந்து கொள்கிறேன்.

Firefox இல் மறைத்து வைக்கப்பட்டுள்ள Menu ஐ தெரியப்படுத்திக் கொண்டால் இந்நிலையைச் சாத்தியமாக்கலாம்.

Firefox இன் Address bar இல், about:config என டைப் செய்து கொள்ளுங்கள்.

பின்னர் Enter key ஐ அழுத்துங்கள். அங்கே Firefox இன் மறைந்துள்ள Menu காட்சியாகத் தொடங்கும்.

அங்கே Network prefetch-next என்ற நிலையைக் கண்டு கொள்ளுங்கள். அதற்கு நேரே Value என்ற நிரலின் பெறுமானம் True என்றவாறு அமைந்து காணப்படும். அதன் மேலே Double click செய்வதன் மூலம் அதன் பெறுமதியை False என அமைத்துக் கொள்ளுங்கள்.

பின்னர், Firefox மூலம் இணையத்தை உலா வந்து பாருங்கள். நிச்சயமாக வேகமான இணைய அனுபவத்தை உணருவீர்கள். அவ்வளவுதான்.

- உதய தாரகை